Sport
Riebeeckrand bied 15 sportsoorste aan vir hul leerders om aan deel te neem. Die sportsoorte is atletiek, seunskrieket, dogterskrieket, rugby, netbal, dogtershokkie, seunshokkie, jukskei, perdry, boogskiet, landloop, skaak, gholf, sokker en tennis.

Ons skool neem vir verskeie jare aan die PUK-prestige sportreeks deel. Ons het reeds vir drie jaar aan die NWU-16 sportreeks deelgeneem en ons spanne het uitstekend gevaar.

Ons skool se toegewyde afrigters is gekwalifiseerd, ervare, bevoeg en effektief in hul afrigting. Hulle bemagtig ons leerders met die nodige kondisionering en vaardighede om die beste spelers te word wat hulle moontlik kan wees. Ons afrigtingspan verstaan die waarde wat sport tot die ontwikkeling van lewensvaardighede bydra.

Ons beskik oor 2 rugbyvelde, 2 hokkievelde, 7 netbalbane, ‘n krieketveld en oefennette, jukskeibane, ‘n boogskietbaan, atletiekbaan asook ‘n volledige toegeruste gimnasium.