10 Riebeeckranders deel van Wesrand jukskeispan 

Die Wesrand Jukskei Skole Liga het vanjaar in Augustusmaand begin. Tydens dié liga word alle deelnemers gekeur om aan die Wesrand jukskeiproewe deel te neem. 14 Riebeeckranders was vanjaar gekeur om op 31 Augustus aan die proewe deel te neem. Daar word breëbors gespog met 10 Riebeeckranders wat in die Wesrand Jukskeispan opgeneem is.

Marianca Masser is in die 0/19 A-dogterspan opgeneem en Tiaan Wilken in die 0/19 A-seunspan. Carli du Toit is in die 0/19 B-dogterspan opgeneem en Louis Grindlingh in die 0/19 B-seunspan. Q’hanri Nel, Jessica Mans en Q’raine Nel is deel van die 0/16 A-dogterspan en Marcel Olivier van die 0/16 A-seunspan. Dié agt leerders gaan Wesrand verteenwoordig by die Bondedag wat op 12 September plaasvind, en weer in Desember tydens die Nasionale Jukskeitoernooi. Rualdt Pieterse en Mardo Pieterse is in die 0/16-jukskeispan opgeneem wat direk aan die Nasionale Jukskeitoernooi gaan deelneem.

Hoërskool Riebeeckrand is baie trots op die 10 leerders en wens hulle alle sterkte toe met hul komende wedstryde.

Riebeeckrand se mooistes is...

Op 30 Augustus 2019 het Hoërskool Riebeeckrand hul mooistes gekroon tydens hul jaarlikse glansgeleentheid, Mnr. & Mej. Riebeeckrand.

Die junior dogters, senior dogters en seuns het elkeen die geleenheid gekry om twee keer op die loopplank te paradeer. Eerstens het al die deelnemers hul verskyning gemaak in hul informele drag en daarna in hul formele drag, wat die tema “A night with the stars” uitgebeeld het.

Die bekende pop-groep, Tussen Sterre, het ook tydens dié geleentheid opgetree. Dit was voorwaar ‘n aand vir die boeke.

Die wenners van Mnr. & Mej. Riebeeckrand 2019 is:
Mej. Riebeeckrand Senior: Christelle Vosloo
1ste prinses Senior: Caitlin Buitendag
2de prinses Senior: Wjanik Beneke
Mej. Riebeeckrand Junior: Kefilwe Moilwe
1ste prinses Junior: Anica Van der Merwe
2de prinses Junior: Tasha Phephu
Mnr. Riebeeckrand: Peet van Jaarsveld
1ste prins: Keagen Graham
Mej. Persoonlikheid Senior: Christelle Vosloo
Mej. Persoonlikheid Junior: Anica Van der Westhuizen
Mnr. Persoonlikheid: Pieter Jordaan
Mej. Fotogenies Senior: Chelné Olivier
Mej. Fotogenies Junior: Arlien Oudbier
Mnr. Fotogenies: Pieter Naude
Mej. Debutante: Judy van Wyk.

Me. Magda Venter, organiseerder van dié geleentheid, wil graag vir elke ouer, leerder en personeellid wat bygedra het tot die sukses van die funksie, hartlik bedank. ‘n Spesiale dankie aan elke besigheid en privaat persoon wat mildelik bygedra het deur middel van geskenke en kontant donasies.

Die Riebeeckrandfamilie wens die 2019 wenners baie geluk. Ons is trots op elke deelnemer, almal het pragtig gelyk!